Cylchgronau Cymru

O'R SWYDDFA YNG NGHAERDYDD Gan D. T. GUY VN ystod yr wythnosau diweddar, bu nifer o'n Canghennau yn cynnal eu Cyfarfodydd Blynyddol, ac y mae eu Hadrodd- iadau'n dechrau dyfod i mewn i'r swyddfa. Medrais fynd i rai o'r cyfarfodydd, ac yr oeddwn yn falch iawn o weld yr hyder tawel a nodweddai'r aelodau. Pan ddaw'r Adroddiadau i gyd i mewn credaf y bydd gennyf stori galonnog i'w hadrodd am flwyddyn nodedig o weithgarwch. Bûm yn Nhon Pentre ( Rhondda Fawr) yr wythnos o'r blaen- cyfarfod i atgyfodi Cangen o'r WEA a oedd wedi marw. Dyna lle'r oeddem, yn gwmni dewr, gwresog dros Addysg Pobl mewn Oed, yn cyfarfod yn Nhy Cwrdd y Crynwyr, i fyny yn uchel ar ochr y mynydd. Gorchuddiwyd yr holl lechwedd ag eira, a dal- iodd i fwrw eira yn galed tra buom yn trafod problemau'r gangen. Nid yn aml y bu neb yn ail-sefydlu Cangen o'r WEA yn agos i ddiwedd mis Ebrill mewn amgylchiadau mor annymunol. Medd- yliwch am y bardd Saesneg, Browning, yn canu, Oh, to be in England now that April's there Aprü, wir Y mae trefniadau ar dro i gynnal nifer o Ysgolion Haf Di- breswyl yn y Rhanbarth mewn cydweithrediad â Choleg Harlech. Daw'r manylion ymhellach ymlaen. Cynhaliwyd Ysgol Fwrw Sul yn ddiweddar yng Nghastell Dunraven, Southerndown-y gyntaf o gyfres o bedair. Darlith- iodd T. G. Jones ar Bolisi Economaidd ac Adferiad." Rhoddwyd y ddarlith agoriadol gan B. B. Thomas gofynasom iddo siarad ar Unesco, ac fe wnaeth. Cawsom anerchiad rhagorol ganddo, a thair darlith gampus gan Mr. Jones ar ei ôl. Yr oedd trigain o Undebwyr Llafur yn yr ysgol, aelodau o ddeuddeg o wahanol Undebau. Y mae'n hysbys fod Ernest Green, Ysgrifennydd Cyffredinol y WEA, wedi ymddiswyddo eleni, a Harry Nutt, y Trefnydd Cyffredinol, wedi ei benodi i'r swydd yn ei le. Y mae'n dda gennyf ddweud mai William Gregory, gẃr o Ddeheudir Cymru, a benodwyd yn Drefnydd Cyffredinol yn lle Mr. Nutt. Bu'n fyfyr- iwr yn nosbarthiadau'r WEA i ddechrau, ac wedi hynny yn athro dosbarthiadau llwyddiannus iawn, er na chawsai hyffordd-