Cylchgronau Cymru

Cerddi ‘O, GARIAD NA'M GOLLYNGI I' Wedi clywed canu emyn gorchestol George Matheson mewn oedfa gymun Ym Methel heno unai torf ynghyd i seinio profiad syfrdan sant o fardd a gefnodd er ystalm ar dyndra byd heb un gymynrodd ond ei folawd hardd. Ar lif y gân fe'm cipiwyd innau draw at sgolor dall Innellen yn ddi-oed a'i weld yn profi, wedi'r ing a'r braw, hen afael Duw mor gadarn ag erioed. A garw fyth na wyddai'r Sgotyn hwn i'w gyffes eirias, bedwar-pennill 0 wisgo'r Gymraeg a phlwyfo yma'n grwn rhwng bryniau henwlad Dewi yn ei thro, yn llafar na bu'i fath i bob rhyw un a ddaliwyd gan gyfaredd Mab y Dyn. JOHN EDWARD WILLIAMS